Ustez, XIII. mendearen erdialdera aldera, Alfontso X.a Jakitunak, Gaztelako erregeak, hiri-gutuna eman zion Hernaniri; baina hori ez dago inon jasota, dokumentua desagertu egin baitzen gure herria suntsitu zuten gorabehera beliko eta sute ugarietako batean.

Kale Nagusiko 13. zenbakiko dorretxea hiribilduko sarbidea defendatzen zuten gotorleku boteretsuenetako bat zen. Erdi Aroko gotorleku bat, indartsua eta astuna. Zalantzarik gabe, ezkutuko bitxi bat. Monumentu historiko-artistiko gisa dago katalogatuta, eta gure eraikin zaharrenetako bat da, seguruenik XIV. mendekoa. Etxebizitza lehen solairuan zegoen, eta harrizko eskailera atxiki batetik sartzen zen, XIX. mendean eraitsi zutena.

Denbora igaro ahala, eraikinak eraldaketa handia izan du; gotorleku izateari utzi dio, eta etxebizitza bihurtu da. Horren ondorioz, solairuak birbanatu eta handitu, eta leiho handiak ireki ziren. Dena den, harlanduzko horma sendoek, arku zorrotzeko sarrera txikiak, saietera kanoi-zulodunak eta beste xehetasun batzuek iragan gerlatiaren inguruan hitz egiten digute.